"Sige po 'Nay", reply ko.
"Berna will call you when she's there na para pumunta ka na dun"
"Sure 'Nay no problem"
Kinagabihan ay nagpunta ako ng Giligans para i-meet sila. Si Maan at Berna ang mga singers ng BeanBag Roasters.
Pagdating dun, yumakap agad sa akin si Nanay Maan kasi ba naman ilang buwan na kaming hindi nagkikita.
"So nasan si Parker?!", tanong niya agad.
"Nasa Bora po", sagot ko.
"At bakit mas pinili niyang pumunta sa Bora kesa samahan ka dito?"
"Kasi Nay, he planned and booked his trip before we even met. Sayang din naman yun. Saka reunion something nila"
"Aba sosyal ah. Reunion lang, Bora pa."
"Hahaha"
"Anak, matanong nga kita"
"Ano yun Nay?"
"Yung totoo ha?"
"Opo"
"Masaya ka ba sa kanya?"
"Opo", sagot ko nang walang pagiimbot. Walang pagaalinlangan.
"That's good", sabi niya sabay ngumiti.
Dumating na sa wakas ang order namin.
Hindi naman nila gustong magpakalasing ano?
Pagdating ng mga bote ng San Mig, napalunok ako.
Jusme, mapapasubo ako nito sabi ko sa sarili ko.
Usapang lasing over beer and cigs.
Ininterogate ako ni Nanay Maan lalo na tungkol kay Parker.
Matapos ang ilang bote ang alak at isang kaha ng yosi, nagpaalam na ako.
"Nay mauna na po ako. Maaga pa ako bukas eh.", sabi ko.
"Sige Anak, dito muna kami may mga darating pa eh", sagot niya.
"Sige po 'Nay"
"Anak, next time na umakyat ka dalhin mo si Parker dito ha para makilala ko na"
"Opo"
Pagewang gewang akong naglakad pauwi.
Pagdating ko sa bahay, humiga ako at nakatulog na agad.
No comments:
Post a Comment